Dili – Francisco Guterres Lu-Olo ho Mari Alkatiri kontinua lidera partido FRETILIN ba periodo tinan lima husi 2022 to’o 2027.
Liu husi kongresu nasional da lima nebe realiza iha centro convensaun Dili, delegado sira kontinua fo komfiansa ba lider nain rua hodi lidera partido FRETILIN.
Prezidente komisaun organizadora Flavio Maria Da Silva hateten, iha eleisaun ba lider partido FRETILIN ne’e, delegado sira apresenta pakote rua.
Maibé, iha prosesu verifikasaun, pakote Jose Agustinho Somotso no Rui Maria De Araujo la priense kriteria, hodi avansa ho pakote uniku Lu-Olo ho Mari avansa ba votasaun.
Membro comite central segunda jerasaun Lere Anan Timor informa, nia parte deside la avansa ho pakote ba eleisaun, tamba lakohi atu kompete ho lideransa Lu-Olo No Mari Alkatiri.
Tamba ne’e, nia apela ba apoiante sira atu mantein diciplina hodi partisipa kongresu to’o remata hodi kontribui ba hadia partido.
Jeneral reformado ne’e agradese ba FRETILIN tamba valoriza ona segunda jerasaun FRETILIN liu husi kongresu nasional partido FRETILIN ne’e.
Entretanto; kongresita sira neebe partisipa iha kongresu ne’e hamutuk 925 husi numero ne’e konsege fo votu afavor 764, vota konta 106, no votu nulu hamutuk 47.
(Alau/Siso)
