Magazine RádiuNotisiasTetum

Polisia Tranzitu Prende Motorizadas 40 Resin Hafoin Partesipa Kampaña Ikus Partidu CNRT

Dili – Polisia tranzitu prende motorizadas 40 resin, hafoin partesipa kampaña ikus partidu CNRT iha Tasi Tolu.

Xefe departamentu tranzitu nasional, superintendente João Belo Dos Reis hateten, motorizadas hirak ne’e, polisia prende iha area Rotunda Nicolao Lobato no Tasi Tolu, tamba uza kanu resin, laiha sapa matrikula, dokumentus no asesores transporte la kompletu.

Nia argumenta, militantes ne’ebe partisipa iha kampaña atu kumpri lei kodigu estrada no sinais tranzitu, hodi uza kapasete, labele uza kanu resin, no tenke prepara dokumentus kompletu.

Nia hatutan, komandu tranzitu nasional sei destaka efetivu masimu hodi apoiu komandu polisia munisipiu Dili, nune’e bele halo atuasaun ho rigorozu ba infratores sira.

Tuir observasaun jornalista RTTL nota katak, hafoin prende motorizadas polisia tranzitu aplika kedas bilete infrasaun ba infratores hodi selu iha banku hafoin foti fila sira nia transporte.

(Juvenal/Emy)

Show More

Related Articles

Leave a Reply

Your email address will not be published.

Back to top button
error: !