Dili – komandu polisia munisipiu Dili ho eskuadra polisia dom aleixu kontinua sofre inundasaun, iha tempu udan.
Komandante polisia munisipiu Dili, superintendente xefe, Henrique Da Costa hateten, komandu polisia munisipiu Dili presiza iha fasilidade ne’ebe diak hodi ajuda polisia nia servisu.
Nia husu ba governu atu aselera projetu konstrusaun ba edefisiu sira iha munisipiu Dili, nune’e polisia bele halo atendimentu ne’ebe diak ba komunidade.
Sorin seluk, diretor ezekutivu fundasaun mahein, Abel Amaral, husu ba governu atu kria kondisaun ne’ebe diak ba polisia.
Antes ne’e, ministeriu interior haruka ona dezenu no BOQ kontrusaun edefisiu eskuadra pntl dom aleixu ba ministeriu obras publikas no ajensia dezenvolvimentu nasional.
Enquantu, konstrusaun ba edefisiu eskuadra polisia refere, sei gasta osan hamutuk miloens rua resin.
(Juvenal/Siso)
