Dili – Komandu polisia munisipiu Dili laiha koiñesimentu ba asaun pafisika husi aliansa maubere nasional.
Aliansa maubere nasional halao ona manifestasaun durante loron lima iha resintu kampus sentral UNTL neebe la dok husi parlamentu nasional.
Manifestantes ezize parlamentu nasional, hapara politika sosa kareta ho leptop inklui ezize halakon lei pensaun vitalisia ne’ebe benefisia deit politiku sira.
Komandante polisia munisipiu Dili, superintendente xefe, Henrique Da Costa hateten, sidadaun hotu iha direitu halo manifestasaun maibe tenke kumpre regra.
Komandante unidade espesial polisia, superintendente xefe Orlando Gomes reforsa, unidade espesial polisia simu orientasaun husi komandu jeral PNTL hodi asegura manifestantes.
Durante manifestasaun, polísia kaptura ona manifestantes 39 inklui ema ho defisiensia 12.
Hafoin identifikasaun iha oras 12 nia laran, polísia liberta sira seluk, maibé nain 26 kontinua submete ba prosesu identifikasaun.
(Juvenal/Siso)
