Dili – Komisaun ba assuntu defeza no seguransa parlamentar, simu ona proposta lei programasaun militar hodi prepara kalendario diskusaun.
Prezidente komisaun B, deputado José Agustinho Siqueira Somotso informa, proposta lei programasaun military, meza parlamentu nasional baixa ona ba komisan b ho duransaun loron tolu, atu lori ba debate iha jeneralidade.
Tuir deputado Somotso, lei ne’e, nia kontiudo hare liu ba baze dezemvolvimentu modernizasaun forsa defeza timor-leste nian.
Lider komisaun parlametar ba asunto defeza seguransa ne’e fundamenta, lei ne’e, ejiji komisaun finansas publika mos atu involve iha diskusaun, tamba atu dezemvolve instituisaun militar presija mos orsamentu.
Somotso hateten, bainhira lei programasaun militar difisil atu dezemvolve instutuisaun F-FDTL, tamba kada ministro sira troka malu, ida-idak lori nia programa rasik hodi implementa, tamba laiha lei baze militar hatur rasik nia programa no planu ba dezemvolvimentu.
Dadaun ne’e, lejislasaun ne’e, iha ona meza komisaun B parlamentar atu konvida entidades relevante sira hodi avansa ba audensia publika, hodi kontinua ba jeneralidade tuir tempo nebe ajenda ona.
(Alau/Siso)
