Magazine RádiuNotisiasTetum

PN Husu Ukun Nain Sira Atu Kria Kondisaun Hodi Prepara Kampo Trabalho Ba Joven Sira

Dili – Membro Parlamentu Nasional husu ukun nain sira atu kria kondisaun hodi prepara kampo trabalho ba joven sira.

Deputado Luis Robertu hato’o pedido ne’e, relasiona ho foin sa’e barak ne’ebe kontinua sai ba rai liur hodi buka servisu.

Tuir deputado Luis Robertu, foin sa’e barak trata dokumentu hodi ba servisu iha rai liur, tamba Timor-Leste menus kampo servisu.

Maibé, deputado bankada FRETILIN Favião De Oliveira konsidera, timoroan hirak ne’ebe halao servisu iha rai liur, hatudo parte pozitivo ba nasaun.

Antes ne’e, oitavo governu konstitusional kompromete atu kria kampo servisu rihun 60 ba foinsa’e maibe promesa hirak ne’e seidauk realiza.

Dadus husi sekretária estadu formasaun profisionál no empregu – SEFOPE, traballador ne’ebe servisu iha Australia hamutuk rihun ne’en resin no iha Korea Do Sul hamutuk rihun ha’at atus hat resin.

(Pedro/Alau/Siso)

Show More

Related Articles

Leave a Reply

Your email address will not be published.

Back to top button