Dili – Deputado iha parlamentu nasional ezize ba ministeriu estatal hodi jere lixu, tanba lixu kontinua estraga imajen kapital Dili.
Deputadu bankada PD Antonio Da Conceicão hateten, atu garante kapital Dili moos husi lixu, governu tenke kria padraun jestaun lixu.
Deputada bankada frente mudansa, Isabel Ximenes, preokupa ho lixu iha area sentru saude comoro nia oin, tanba naklekar to’o estrada.
Hatan ba preokupasaun ne’e, ministru asuntu parlamentar no komunikasaun sosial, Francisco Jeronimo justifika, kapital Dili kontinua eziste lixu iha dalan publiku sira, tanba sidadaun la iha konsiensia atu soe lixu.
Governante ne’e enkoraja sidadaun atu hamoos lixu iha ida-idak nia hela fatin, bairu laran, aldeia no suku, hodi garante Dili moos husi lixu.
(Bitu/Siso)
