Dili – Parlamentu nasional aprova renovasaun ba medida exesional no vijilansia sanitaria hodi prevene pandemia COVID-19.
Ho aprovasaun parlamentu nasional ne’e, autoriza governu hodi implementa medida hirak ne’e hodi responde ba pandemia covid 19 iha Timor Leste.
Prezidente parlamentu nasional em exersisio, Maria Angelina Sarmento deklara, medida exesional no vijilansia sanitaria ne’e atu fasilita governu hodi halo prevensaun ba surtu COVID-19.
Ministra saúde, Odete Maria Freitas Belo komfirma, maske numero COVID-19 la rejista as, maibe presija halo prevensaun, tamba ejistensia COVID-19 seidauk lakon.
Antes ne’e, governu husu autorizasaun ba parlamentu nasional hodi implementa estado emerjensia iha Timor Leste hodi prevene COVID-19.
Maibé, iha tinan 2021, parlamentu nasional halo alterasaun ba lei sistema saude hodi halo deit medida exesional no vijilansia sanitaria ba prevensaun surtu COVID-19.
Tamba ne’e, ho autorizasaun ne’e governu iha kompetensia atu aplika regras vigilansia sanitaria no epidemiologika, hodi prevene COVID-19 iha Timor Leste, ho durasaun tempu loron atus ida rua nulu, sei hahu iha loron 13 fulan novembru tinan ne’e to’o marsu tinan 2023.
(Alau/Siso)
