Dili – Orsamentu ba polisia sientifika investigasaun kriminal-PSIK ho valor miliaun rua resin hetan aprovasaun iha espesialidade.
Vice secretaria meza Antonio Nobre informa, orsamentu ba pcik sei fahe ba programa rua mak hanesan, asesu ba justisa ho montante miliaun ida resin, programa boa governasaun jestaun institusional hamutuk rihun atus tolu resin dolares amerikano.
Orsamentu ne’e, la hetan alterasaun husi deputado sira, tamba ne’e kontinua ba aprovasaun ho votus afavor 54 kontra zero abstensaun 7.
Iha parte seluk, parlamentu nasional aprova mos orsamentu ba autoridade protesaun civil ho montante miliaun 14 pontu rihun atus lima.
Orsamento hirak ne’e, sei aloka ba programa seguransa nasional hamutuk miliaun 14, programa boa governasaun rihun atus rua resin, programa igualdade jeneru no inkluzaun hamutuk rihun 16.
Orsamentu ba autoridade protesaun civil ne’e deputado sira aprova ho votus afavor 50, kontra zero abstensaun 11.
(Alau/Siso)
