Dili – Observador igreja ba asunto social – OIPAS detekta, kareta estadu ida tula be’e hodi oferese ba apoiantes no militantes husi kandidatu presidente republika balun.
Diretor observatoria igreja ba asunto social – OIPAS, João Manuel Belo hateten, bazea ba monotorizasaun husi OIPAS iha municipiu Baucau konsege identifika kareta estadu fo apoiu ba aktividade kampaña politika iha kinta-feira ne’e.
OIPAS kompromete, sei aprezenta relatoriu prosesu identifikasaun ba orgaun eleitoral.
João Manuel Belo argumenta, kareta estadu tenke utiliza ba aktividade governu, laos uza ba aktividade interese partidu politika.
Tanba ne’e, nia rekomenda ba PDHJ no autoridade seguransa atu halo atuasaun ba kareta estadu ne’ebe apoia atividade kampaña.
(Domingos/Emy)
