Dili – Fulan janeiru to’o fulan agostu tinan ne’e, servisu rejistu notariadu rekolla reseita millaun ida resin.
Diretor jeral servisu rejistu notariadu, Crisogno Da Costa Neto konfirma, reseitas hirak ne’e, rekolla husi, fornesimentu pasaporte ba utilizador sira.
Nia relata, pasaporte iha tipu, komum, servisu, diplomatika, estranjeiru no espesimen, neebe ho nia folin husi dolar 50 to’o 100.
Husi fulan janeiru to’o agostu tinan ne’e, sidadaun rihun rua nulu resin sia maka trata pasaporte.
Husi númeru ne’e, sidadaun balun trata pasaporte atu ba servisu iha rai liur, ba eskola, diplomata iha rai liur, emprezariu sira no seluk tan.
Pasaporte ne’ebe imprime ka foti ho prazu loron ida ho presu dolar amerika atus ida, prazu loron tolu sei selu, dolar hitu nulu resin lima no pasaporte ho prosesu tratamentu ba loron sanulu, selu ho dolar lima nulu.
(Bitu/Siso)
