Dili – Makina impresaun billete identidade kontinua avária, iha diresaun notariadu munisípiu sira.
Diretor jeral rejistu notariadu, Crisogno Da Costa Neto konfirma ministeriu justisa loke ona konkursu manutensaun, maibé la iha kompanhia lokal ida maka hato’o nia aplikasaun.
Tanba ne’e sei re-anúnsio fali konkursu ba publiku hodi halo manutensaun ba makina impresaun.
Dirijente husu ba klientes sira, atu mai imprime dokumento orijinal iha nasional.
Dau-daun ne’e mos material ne’ebe uza hodi emprime billete identidade no kartaun eleitoral iha munisipiu sira laiha, nune’e difikulta prosesu emprime.
Diresaun aprovizionamentu ministeriu justisa reanunsiu tan konkursu ba kompania lokal sira, hodi halo manutensaun.
Kompanhia san Timor halo hela akizisaun ba material emprime billete identidade no kartaun eleitoral, nune’e iha fulan outubru bele fornese ona ba munisipiu sira.
Diresaun munisipal nebe makina avariadu hanesan, iha munisipiu Baucau, Manatuto, Liquica, Bobonaro, Manufahi no Ermera.
(Bitu/Siso)
