Dili – Ministeriu saude komfirma, sei haruka pessoal mediku rua nolu resin ualu ba estuda iha area espesialista iha Kuba, iha fulan outubro tinan ne’e.
Ministra saude Odete Maria Freitas Belo hateten, espesialista iha area saude seidauk sufisiente tanba nee presiza halo kapasitasaun ba mediku jeral sira iha area espesializada.
Governante ne’e afirma, durante nee espesialista husi brigada kuba no Xina maka apoia iha hospital nasional.
Entertanto, Timoroan hitu nolu resin hat maka foti espesialidade iha pediatria, fuan, rin, ruin no matan, ne’ebe ogora koloka ona iha sentru saude balun, óspital referal no óspital nasional.
(Sergio/Alau)
