Dili – Mário Ximenes sei husik hela kargu nudar sekretáriu estadu terras no propriedade, iha oitavu governu konstitusional.
Sekretáriu estadu terras no propriedade, Mário Ximenes, hatoo pozisaun ne’e, hafoin hala’o audensia ho xefe governu, Taur Matan Ruak, iha residencia Farol Díli.
Sekretáriu estadu terras no propriedade, Mário Ximenes konfirma, iha tempo badak sei husik kargu hanesan membro governu tanba hetan ona ezonerasaun husi primeiru ministru.
Durante asume kargu, sekretáriu estadu terras no propriedade presta servisu tuir kbi’it ne’ebe iha, hodi kontribui ba nasaun durante tinan tolu fulan sia.
Mário Ximenes hateten, iha situasaun COVID-19 no laiha estabilidade politika, nia parte konsege hetan rendimentu atinje miliaun haat pontu tolu dolares amerikanu ba kofre estadu.
Xefe governu Taur Matan Ruak nafatin fo’o korajen hodi simu dejisaun no membro governu ne’e husi partidu KHUNTO.
(Domingos/Siso)
