Dili – Komandante jeral PNTL fo ona orientasaun ba komandante munisipiu no unidade sira hodi kaptura autor neebe faan fogetes iha loja.
Komandante jeral PNTL, komisariu Faustino Da Costa hateten, tenke halo revizta ba loja no kios sira ne’ebe kontinua fan sasan kontra bandu.
Polisia nasional Timor Leste konsege kaptura no detein ona sidadaun balun ne’ebe importa fogetens ilegalmente liu husi fronteira.
Komandante unidade patruilamentu fronteira, superintendente Euclides Belo reforsa, unidade patruilamentu fronteira kontinua halo patruilamentu no passa revista hodi prende sasan kontra bandu ne’ebe tama ilegalmente mai Timor Leste.
Unidade patruilamentu fronteira mos kordena ona ho tentara nasional Indonesia-TNI hodi halo operasaun kordenada no kombate merkadoria ilegal iha linha fronteira.
Durante ne’e, aktividade merkadoria ilegal iha linha fronteira terrestre hahu menus, tamba polisia fronteira ho autoridade lokal sira fahe ona informasaun ba komunidade sira hodi reduz aktividade merkadoria ilegal iha linha fronteira.
(Juvenal/Siso)
