Dili – Komandu jeral PNTL nomeia superintendente xefe Henrique Da Costa ba komandante do komandu pessoal e formasaun, iha instituisaun PNTL.
Komandante jeral PNTL, komisariu Faustino Da Costa hateten, mudansa ba estrutura iha komandu munisipiu no hamosu departamentu foun sira, bazeia ba organika foun PNTL nian ne’ebe tama ona vigor iha fulan kotuk.
Komandu Jeral husu ba komandante foun sira hodi dezenvolve polsiia nasional Timor-Leste ho diak.
Komandante polisia munisipiu Ermera, superintendente Justino Menezes kompremetidu, sei servisu tuir lei no ordem hodi servi povu no nasaun.
Komandu jeral PNTL mos nomeia superintendente Justino Menezes ba komandante munisipiu Ermera no nomea superintendente Ludgerio Picancio Lay, sai komandante munisipiu Aileu.
Alem de ne’e, superintendente Paulino Carmo Pereira, lidera komandante munisipiu Ainaro, superintendente Emilio Dos Santos ba komandante unidade apoiu servisu, superintendente assistente Luis Da Silva ba xefe departamentu transporte e manutensaun.
Enquantu, iha tempu besik komandu jeral PNTL sei nomeia ofisial superior ida hodi lidera komandu polisia munisipiu Dili ne’ebe lideradu interinamente husi superintendente João Sancho Pires.
(Juvenal/Siso)
