Dili – Komisaun nasional justisa paz sei destaka, membros 365 ba sentru votasaun hodi observa prosesu eleisaun.
Liu husi komferensia imprensa, presidente komisaun nasional justisa paz integridade cristaun Timor Leste padre Julio Crispim hateten, uma kreda timorense sei halo monitorizasaun ba eleisaun.
Bibi atan ne’e argumenta, igreja katóliku timorense imparsial iha eleisaun presidensial ne’e, ho fiar tomak ba sidadaun sira atu halo nia preferensia ba kandidadu ida-idak ho konsiensia moral no responsabilidade cívika no politika ba estadu no nasaun.
Padre Júlio Crispim argumenta, igreja katólika husumos ba kandidatu sira atu labele uza simbolu, sinais no dokumentu igreja nian ba sira nia kampaña.
Foin lalais, ministériu negosiu estrangeiru no cooperasaun hala’o ona akordu ho união europeia hodi apoiu observadores nain ruanulu resin nen mai timor-leste atu observa prosesu eleisaun prezidensial.
Dadaun ne’e sekretariadu tékniku administrasaun eleitoral instala ona sentru votasaun rihun ida, atus ida, sia nulu resin ida, iha teritoriu Timor Leste no iha Australia tolu, Korea Sul ida inklui Portugal rua.
(Domingos/Siso)
