Magazine RádiuNotisiasTetum

Komandu PNTL Sosa Ona Ekipamentu Kontrola Ordem Publika

Dili – Komandu jeral PNTL sosa ona ekipamentu borgol, stik no gas lakrimuzenio hodi distribui ba komandu munisípiu sira.

Komandante administrasaun PNTL, superintendente xefe José Soares konfirma, ekipamentu hirak ne’e, komandu jeral PNTL sosa hodi antisipa bainhira akontese disturbasaun ordem publika ruma, durante kampaña to’o eleisaun presidensial.

Nia, husu membru sira atru utiliza ekipamentu hirak ne’e tuir regras legal no proporsional durante kampaña no eleisaun presidensial.

Komandu jeral PNTL sei aluga kareta unidade 32 hodi assegura kampaña eleitoral.

Iha parte seluk, ministeriu finansas liu husi diresaun patrimoniu estadu apoiu tan kareta unidades 36 ba PNTL hodi hala’o servisu durante kampaña to’o eleisaun presidensial.

Komandu jeral PNTL la konsege utiliza kareta oeprasional foun 90 ne’ebe komandu sosa, tamba sei iha hela prosesu tenderijasaun ba kompra viaturas.

(Juvenal/Siso)

Show More

Related Articles

Leave a Reply

Your email address will not be published.

Back to top button