Dili – Konsellu ministru aprova projetu dekretu lei konaba subsidiu estra ordinariu ba membru orgaun administrasaun eleitora.
Projetu lejislasaun nee, aprezenta husi ministru administrasaun estatal, Miguel Pereira De Carvalho no hetan aprovasaun husi konsellu ministru iha kuarta-feira nee.
Ministru prezidente konsellu ministru, Fidelis Leite Magalhaes justifika.
dekretu lei nee fo kompetensia ba govenu hodi subsidia dolar ualu nulu kada loron, ba direotr jeral sekretariadu tékniku administrasaun eleitoral-STAE no prezidente komisaun nasional eleisaun-CNE.
Alen de ne’e, konsellu ministru aprova mos projetu rezolusaun governu ne’ebe aprezenta husi ministru administrasaun estatal ba nomeasaun Domingos Soares ba kargu administrador munisipiu Atauro.
Ministru prezidente konsellu ministru, Fidelis Leite Magalhaes hateten, kargu administrador munisipiu Atauro sei vale to’o tinan tolu, sura husi data simu posse.
Entretantu; kargu administrasaun ne’e sei la extende tan ba oin wainhira termina iha tinan tolu.
(Jp/Siso)
