Dili – Konsellu ministru aprova ona planu lejislativu governu ba tinan 2023, hodi hadi’a kualidade atividade lejislativa sira.
Ministru prezidénsia konsellu ministrus Fidelis Magalhães informa, planu lejislativu ne’e elabora bazeia ba proposta ne’ebe submete husi membru konsellu ministru no konsiste previzaun intervensaun lejislativa governu nian ida no respetiva prioridade ne’ebe fahe ba setór sira tinan 2023.
Nia akresenta, planeamentu lejislativu ne’e nu’udar instrumentu ne’ebe konsagra ona iha polítika reforma lejislativa, hodi hadi’a kualidade atividade lejislativa governu ninian.
Entretantu planu lejislativu governu ba tinan 2023 ne’e aprezenta husi ministru prezidénsia konsellu ministrus Fidelis Magalhães rasik.
(Bitu/Siso)
