Dili – Diretor klinika Bairo Pite komfirma, funsionamentu klinika sei to’o fulan maiu tinan 2023 ho orsamentu rihun atus ida lima nolu.
Diretor ezekutivu klinika Bairo Pite Inacio Dos Santos ba RTTL hateten, funsionamentu klinika sei to’o fulan maiu tinan oin tamba, hetan apoiu fundus husi servisu apoiu sociedade sivil auditoriu sosial ho montante rihun atus ida lima nolu.
Nia afirma, orsamentu rihun atus ida lima nolu sei aloka ba salariu vensimentu, konbustivel, eletrisidade, alimentasaun ba pasiente tubercolose no manutensaun ba transporte.
Inacio Dos Santos realsa, orsamentu ne’ebe apoiu husi sascas bazeia ba akordu ne’ebe selebra hamutuk ho klinika Bairo Pite, durante tinan ida.
Dadaun ne’e, funsionariu ne’ebe ativu hela hamutuk nen nolu resin kompostu husi mediku, parteira, infermeiru, tekniku laboratorium, farmasia, kliner no seguransa.
(Sergio/Siso)
