Dili – Cristiano Emanuel Da Costa nebe deskunfia hetan agresaun físika husi membru PNTL Bobonaro, kontinua baixa iha óspital nasional Díli.
Cristiano Emanuel Da Costa hateten, insidente ne’e akontese iha tersa-feira semana liuba.
Tuir nia, momento ne’e, nia ho kolega nain tolu tu’ur iha liuron hodi tiru fugetes, derepente polísia atua no halo agresaun físika hasoru nia to’o baixa iha hospital referal maliana.
Vitima nee nehan iha parte oin monu no ruin balun tohar, to’o transfere ba ospital nacional, iha kuarta-feira liuba.
Inan husi vitima, Cristiano Emanuel Da Costa, husu komandu PNTL atu loke investigasaun ba membro ne’ebé halo agresaun fízika kontra nia oan mane ikun.
Agustinha Da Costa Gomes afirma, familia sei kontinua lori kazu ne’e ba oin to’o hetan solusaun.
Antes ne’e, segundu komandante polisia munisípiu Bobonaru, superitendente assistente Fasio De Jesus Lima husu familia atu hato’o keixa ba komandu polisia Bobonaru no ministériu públiku hodi prosesa tuir dalan legal.
(Sergio/Siso)
