Dili – Pasientes sia nolu resin nen preokupa tanba makina fase ran neebe avaria fo impaktu ba sira nia vida.
Reprezentante pasientes fase ran, Octavio Dos Santos hateten, makina fase ran ne’ebe avaria fo ameasa ba sira nia vida tamba atividades fase ran rutina kada loron.
Preokupasaun hanesan hato’o mos husi pasientes fase ran, Fabiola De Araujo informa, nia órariu fase ran maka iha quinta-feira ohin maibe la bele fase tamba makina avaria.
Pasientes ne’e husu óspital nasional buka solusaun hodi transporta ona sira ba indonezia hodi kontinua halo tratamentu ba sira nia saude.
Hatan ba preokupasaun ne’e, diretora nasional prestasaun saude ministeriu saude, Odete Vieigas Da Silva hateten, ministeriu saude esforsu hodi sosa ekipamentus fase ran iha indonezia hodi solusiona problema ne’ebe pasientes sira hasoru.
Dadaun ne’e, makina fase ran, unidade sanolu resin rua la funsiona durante loron tolu ona hodi labele halo atendimentu ba pasiente rins.
(Sergio/Siso)
