Dili – Negosiante husu ba governu kontrolu sasan nesesidades bazikas nebe folin sa’e, iha Barique-Manatuto.
Na’in ba loja reflodes Florentina De Araujo hateten, folin sasan sira hanesan bebibas acucaradas agora kaixa ida ho folin dolar sanulu resin ualu, masinmidar saku ida ho folin dolar atus ida inklui nessesiade bazika.
Tuir nia, nesesidade bazika folin sa’e implika ba povu kik sira atu asesu sosa.
Na’in ba kioske famia celestina da costa hateten, sasan nebe sira faan bazeia ba folin nebe sira sosa, maske hetan lucro nebe naton.
Komunidade Maria Da Costa, sente preokupa tebes tanba ho rendimento nebe naton labele sosa sasan sira nebe ho folin sa’e, no husu ba governu atu bele kontrola hodi bele normaliza fila fali folin sasan.
Entretantu observasaun jornalista nian iha kioske no loja balun la faan sigaru, manutolu fos no masin midar tanba folin sae maka’as.
(Aurelia/Siso)
