Magazine RádiuNotisiasTetum

Governu Nomea Ismael Da Costa Babo Hodi Asume Presidente Autoridade Protesaun Sivil

Dili – Governu nomea Ismael Da Costa Babo hodi asume presidente autoridade protesaun sivil ba periode tinan ha’at.

Proposta ne’e, aprezenta husi ministru interior aktual primeiru ministru Taur Matan Ruak no sekretariu estadu protesaun sivil Joaquim Gusmão ne’ebe hetan aprovasaun iha reniaun konsellu ministru, iha kuarta-feira ne’e.

Ministru financas Rui Gomes esplika, autoridade protesaun sivil mak entidade exekutiva iha ambito nasional hodi regula aktividade protesaun sivil nian.

Enquanto; presidente autoridade protesaun sivil hanesan pontu fokal ba ligasaun ho nivel politiku no sei halo jestaun operasional administrativu lojistika no financeira ba sistema protesaun sivil tomak.

Iha parte seluk, primeiru ministru Taur Matan Ruak autoriza loke prosedimentu aprovizionamentu liu husi konkursu publiku internasional ba adjudikasaun kontratu ba konstrusaun jardim da chama eterna.

Memoria ida ne’e ho símbolo a’as tebes ho objetivu atu konsentra rekoinesimentu ba ema sira ne’ebe mate iha funu laran.

Tanba ne’e governu autoriza Arquivu Muzeu Resistensia Timor Leste – Ip hodi responsabiliza ba obra konstrusaun jardim da chama eterna.

(Domingos/Siso)

Show More

Related Articles

Leave a Reply

Your email address will not be published.

Back to top button