Governu lansa programa sesta bázika faze daruak iha suku Poetete, munisípiu Ermera.
Foin lalais ne’e, governu liu husi ministru turizmu komersiu, lansa programa sesta bázika faze daruak, iha suku Poetete postu administrativu Gleno, munisípiu Ermera.
Ministru komérsiu no industria, José Lucas Do Carmo Da Silva, hateten, sesta bázika faze daruak hanesan kontinuasaun programa husi oitavu governu konstitusional nian, bazeia ba dekretu lei númeru 20 barra 2022 fulan marsu, ne’ebé envolve ministeriu neen, hanesan ministeriu koordenador assuntu ekonomiku, ministeriu turizmu komersiu no industria, inklui sekretariu estadu cooperativa, no orsamentu ba programa refere, hamutuk dolar amerikanu millaun ualu nulu.
Programa refere ho intensaun atu motiva mos agrikultór sira iha baze, hodi produz sira nia produtu local, nune’e governu ho setór privadu sira bele sosa produto, ne’ebé komunidade sira produz, hodi hamoris fali ekonomia povu nian.
Xefe suku Poetete, Felisberto Das Neves sente contente, ho programa oitavu governu nian, tanba bele fasilita komunidade sira asesu ona ba programa refere.
