Dili – Parlamentu nasional ezize ba governu tau atensaun ba infrastrutura ne’ebé hetan estragus husi dezastre naturais.
Deputadu bankada FRETILIN, Dario Madeira afirma, to’o agora, governu seidauk halo intervensaun ba ponte buanurak-Ossu no ponte dilor nebe kotu hodi prejudika movimentasaun transporte ba mai.
Enquanto dalan alternativa ba Viqueque liu husi diresaun bagia ba Uatucarabau.
Deputada bankada khunto, Olinda Guterres mos preokupa ho estrada diresaun parte leste, tanba maioria estrada liga ba postu administrativu sira ho kondisaun at grave.
Deputadu bankada CNRT Gabriel Soares, husu governu ba atu loke dalan alternativu liu husi Cribas, hodi fasilita komunidade Viqueque movimenta ba sira nia munisipiu.
Hatan ba preokupasaun ne’e, ministro obras publika, Abel Pires justifica, governu insere ona iha OGE 2023 hodi hadi’a ponte nebe kotu no estrada ne’ebé hetan estragus husi dezastre naturais.
(Bitu/Alau/Siso)
