Dili – Fundasaun mahein husu ba ministeriu interior no ministeriu justisa halo intervensaun ba prosesu kazu Jose Bernardo no Amu Abito, nia mate.
Diretor ezekutivu interinu fundasaun mahein, Abel Amaral hato’o ezijensia ne’e relasiona ho ezizensia familia vítima ba kazu omesidu rua neebe seidauk hatene nia autori principal.
Nia informa, preokupasaun hirak ne’e mosu, tanba dau-daun ne’e laiha informasaun klareza husi PNTL no psik ba familia no publiku.
Husi parte seluk, diretora ezekutivu JSMP, Ana Paula Marcal, ezize mos ba parte relevantes atu aselera prosesu justisa ba kazu iha sela laran no iha Dare.
Entretantu, Jose Bernardo mate ho tali iha sela detensaun PNTL Dili, iha loron ida, fulan setembru, tinan 2022, iha tuku hitu liu minutu tolu nulu kalan.
Enkuantu Amu Abito mate tanba asidente iha tinan kotuk, iha area Dare, postu administrativu Vera Kruz, munisipiu Dili.
(Bitu/Ancha/Siso)
