Família no veteranu halot ona, saudozu Domingos Dias Du’u Resi, iha jardim dos herois metinaro.
Segunda feira ne’e, família, parente, kolega, kompatriota, konsellu veteranu munisípiu Baucau, komisaun omenajen husi nasionál, hamutuk ho falintil forsa defeza Timor Leste, halo’ot ona saudozu Domingos Dias Du’u Resi, nia isin mate iha jardim dos herois metinaro, Dili.
Seremónia funebre ba saudosu Domingos Dias Du’u Resi, hetan aprovasaun husi dekretu prezidente repúblika josé ramos horta nian, ba funu nain ne’ebé partisipa iha luta Hodi Konkista Vitória Timor Leste Nian Ba Ukun Rasik A’an.
Saudozu Du’u Resi, durante ne’e la hetan moras, maibé hetan atakasaun derepente iha nia rezidensia suku saelari, postu Administrativu Laga, Munisípiu Baucau, no familia la konsege salva nia vida, nune’e saudozu hakotu nia Jornada moris iha loron rua nulu fulan juñu tinan 2022.
Durante partisipasaun iha funu, iha tinan rihun ida atus sia, hitu nulu resin lima, hafoin Indonézia invade Timor Leste, saudozu nu’udar soldadu ida, hamutuk ho komandante Cornelio Gama L7, no David Alex Daitula, halo funu kontra militar indonézia, no iha loron rua nulu fulan juñu tinan rihun ida atus sia, sia nulu resin ida, hetan orientasaun husi komandandu luta l-7, maibé iha tempu ne’ebá hetan kapturasaun husi militar Indonézia iha mundu perdido osso, no hetan kastigu durante tinan tolu.
