Dili – Prezidente komisaun nasional eleisaun husu kandidatu presidente republika sira tenke aprezenta programa, evita insulta malu iha palku politiku.
Jose Agostinho Belo argumenta, kandidatura presidente tenke foka ba nia programa, evita lia fuan provokativu iha palku leten.
Prezidente komisaun nasional eleisaun, Jose Agostinho Belo konfirma, povu sei julga kandidatu sira, liu husi nia votus iha eleisaun prezidensial.
Jose Agostinho Belo husu ba kandidadtu presidente republika tenke hato’o sira nia kompetensia nudar xefe estadu.
Enquanto, kampaña segunda volta sei termina iha loron 13 fulan ne’e no eleisaun sei akontese iha loron 19 fulan abril tinan.
(Domingos/Siso)
