Dili – Centru estudu paz no dezenvolvimento – CEPAD avália, povu rurais seidauk asesu informasaun kona-ba prosesu dezenvolvimento iha Timor-Leste.
Diretur ezekutivu sentru estudu ba pás no dezemvolvimentu, João Boavida, hatoo avaliasaun ne’e, iha diskusaun kona-ba importansia hamosu lei liberdade asesu informasaun iha Timor Leste, iha Timor-Plaza Díli, tersa-feira ne’e.
João Boavida husu ba governu atu hala’o edukasaun civíka ba sidadaun iha área rural hodi asesu informasaun, tanba durante ne’e povu barak la asesu informasaun.
Sekretáriu estadu ba komunikasaun sosial, Mericio Juvinal Dos Reis, Akara garante, governu sei esforsa hodi hala’o edukasaun civíka no fó informasaun ba funsionarios no sidadaun iha área rural hodi asesu prosesu dezenvolvimento iha Timor-Leste.
Iha konstituisaun RDTL artigu 41 no 42 garante, liberdade expresaun no liberdade ba asesu informasaun.
Maibé, rekorda katak, iha implementasaun sidadaun ne’ebé hela iha área rural seidauk asesu di’ak informasaun ligadu ho dezenvolvimento iha Timor-Leste.
(Pedro/Paulino/Siso)
