Dili – Saudozu nain sia nebe mate iha masakre loron 23 fulan setembro tinan rihun ida, atus-99 seidauk hetan subvensaun husi governu.
Maske masakre 23 setembru 1999 iha suku Mau-Nuno Ainaro hamate saudozu nain sanulu resin ida, maibe governu foin rekoñese deit nain rua, enkuanto nain sia seluk seidauk hetan apoiu.
Deputado Antonio Bianco, husu governu atu konsidera loron ne’e hodi komemora kada tinan, tamba Timoroan mate iha loron ne’e hodi defende ba Timor Leste nia ukun rasik an.
Fatin hanesan, xefe suku Mau-Nuno, Valente Ramos, husu estado Timor Leste atu valoriza saudozu sira nebe mate, tamba oho husi milisia pro-otonomia sira.
Presidente interinu konselu veteranus munisipio Ainaro, Salon Frans komfirma, konselu veteranus munisipio Ainaro rejistu ona hodi tau iha prioridade atu hetan subvensaun husi governu.
Entertatu; komemorasaun loron masakre 23 de setembru tinan rihun ida, atus sia-99 ba dala 23, hetan prezensa husi parlamentu nasional, atoridade munisipio, PNTL, veteranus no povu.
(Basti/Alau)
