Dili – Administrador municipio Aileu husu funsionariu sira iha aileu atu hala’o knar ho badinas.
Pedidu nee hato’o hafoin serimonia icar bandeira ba primeira semana tinan 2023 nebe realiza iha jardin nicolau lobato aissirimou Aileu.
Administrador municipio Aileu Abel Da Conçeição hatete, funsionariu sira tenki servisu ho responsabilidade hodi alkansa dezenvolvimento iha Aileu.
Autoridade maximu município Aileu nee mos agradese ba funsionariu no entidades hotu iha Aileu tamba liu husi sira nia kontribuisaun bele lori Aileu ba segundu lugar iha exekusaun orsamentu tinan 2022 nian.
Enquantu serimonia icar bandeira primeira semana tinan 2023 iha município Aileu partisipa maximu husi funsionariu sira inklui xefe suku sira no estudante estajiariu UNDIL.
(Tome/Siso)
