Dili – Komisaun parlamentar ba asunto lei no justisa adia aprovasaun relatorio pareser ba lei investigasaun kriminal, no relatorio pareser emenda statute PDHJ tamba la priense forum.
Presidente komisaun A asunto lei no justisa deputado, Joaquin Dos Santos informa, atividade komisaun A semana ne’e la konsegue aprova relatorio pareser sira tamba depeutado sira partisipa hotu atividade kampaña eleitoral.
Tamba ne’e, komisaun A kontinua hein prejensa deputado membro komisaun A sira nian hodi aprova relatorio pareser hirak ne’e, atu apresenta ba plenaria hodi halo debate.
Atual deputado FRETILIN ne’e fundamenta, dadaun ne’e komisaun espesializadas enfrenta difikuldade iha diskusaun lei sira iha komisaun tamba deputado barak partisipa kampaña no semana oin konitnua kedas ba semana santa.
Lejislasaun ne’ebe dadaun ne’e, komisaun A atu halo aprovasaun relatorio pareser mak re-abertura lei ministerio publiku, lei investigasaun kriminal no lei statutu PDHJ.
(Alau/Emy)
