Dili – Ministériu finanças distribui ona orsamentu jerál estadu tinan 2023, bá kada ministério.
Vise ministru finansas informa, sistema free balance hahú funsiona iha loron lima fulan janeiru tinan ne’e, hodi nune’e ministerio sira bele ona ezekuta orsamentu tinan 2023 ne’ebe ministériu finansas distribui ona.
Governante ne’e informa, prosesu projetu estratejiku aero portu internasionál prezidente, Nicolau Lobato Comoro Dili, dadauk ne’e tama ona ba faze evalusaun tékniku husi komisaun nasionál aprovizionamentu ne’ebe sei finaliza iha fulan ne’e.
Ba faze dahuluk husi projetu aero portu internasionál, prezidente Nicolau Lobato Comoro-Dili, oitavu governu konstitusionál asina ona akordu empréstimu millaun atus tolu nulu resin lima dolar amérikanu husi ADB.
Osan empréstimo hirak ne’e, atu hadi’a pista aterrajen, torre kontrolu trafikuno sistema iluminasaun aéreu.
Iha fulan janeiru 2023, oitavu governu konstitusionál sei asina mos akordu subvensaun públiku, ho montante kuaze millaun hat nulu dolar amérikanu husi jica atu konstrui terminál pasajeirus foun.
Iha OJE 2023, governu timor leste mós aloka ona orsamentu millaun 17 virgula 5, hodi financia, atividade balun, nklui kustu kompensasaun ba família sira ne’ebé mak afeitadu husi projetu refere.
(Domingos/Siso)
