Dili – Ministru justisa enkoraja, prizioneirus iha prisaun, tenke halo ezame de konsiensia iha prizau laran.
Ministru justisa Tiago Amaral Sarmento hateten, prizioneriu sira tenke aproveita sira nia pena no atividade relizioja, desportu, formasaun, sosializasaun no prevensaun konflitu.
Governante ne’e justifika, atividade hirak ne’e, prizaun oferese, hanesan edukasaun ida hodi transforma sidadaun nia pensamentu, bainhira re-entrega ba fámilia, iha futuru.
Diretor estabelesementu prizional Becora, João Domingos husu mos ba prizioneiru sira atu kumpre pena ho konsiensia liu husi atividade edukasaun espiritual no mental iha prizaun.
Tuir dadus, to tinan 2022, prizaun Becora akumula prizioneiru hamutuk 437, kompostu husi prizaun kondenadu 352, prizaun preventiva 85.
(Bitu/Alau/Siso)
