Dili – Autoridade protesaun civil alerta ba sidadaun sira, hela dok husi fatin risku ba dezastre naturais.
Prezidente autoridade protesaun civil, superintendente Ismail Babo Soares, hato’o alerta nee, relasiona ho anin bo’ot nebe akontese iha teritorio laran.
Ezecutivo ne’e hateten, lei protesaun civil número 21 utilizasaun rai, protesaun civil sei la rekopera sidadaun nebe atu halo fali uma iha foho lolon no mota ibun, bainhira akontese dezastre.
Dados provizorio nebe protesaun civil rejista, dadaun ne’e uma 127 mak hetan estragus husi anin bo’ot.
Alem de ne’e, uma tolu nulu resin tolu hetan estragus tamba inundasaun iha Oecuse no sidadaun ida lakon vida tamba inundasaun iha fin fulan dezembro 2022 no inisio fulan janeiro tinan 2023.
(Alau/Siso)
