Dili – Investór husi taiwan no xína hakarak investe, iha Timor-Leste iha área importante lima.
Prezidente asembleia asosiasaun missaun antigus kombatentes Timor Leste, Fernando Viera Soares, akompaña investór na’in rua hanesan Jorge Link husi taiwan no emprezariu Mister Chambing husi xína hasoru prezidente repúblika, introdus investór internasionais, iha Timor-Leste.
Investór rua ne’e nia planu, hakarak investe iha área importante sira hanesan, transforma udan-been sai bee-moos, resiklajen lixu iha Tibar, alargamentu aeroportu Nicolau Lobato, portu naval hera no auto estrada Suai.
Fernando Viera husu ba parte empreza komunika ho minstru koordenadór asuntu ekonomiku Joaquim Amaral, ajensia investimento Timor-Leste no ministériu kompetente seluk, hodi diskute uluk molok empreza internasionál sira mai halo investimentu.
Entretantu, investimentu iha área importante lima ne’e, empreza internasional rua ne’e, sei uja sira nia fundus rasik ho montante dolar amerikanu billaun ida resin.
(Manuel/Siso)
