Dili – Asosiasaun defisiensia Timor-Leste-ADTL hala’o tratamento saúde ba ema ho difisiensia, hodi komemora loron mundial ema ho defisiénsia.
Diretór ezekutivu asosiasaun defisiensia Timor-Leste, Cesario Da Silva hateten, atividades ne’e hala’o ba ema ho defisiénsia matan, tilun no fijiku tamba durante nee ema ho difisiensia sira susar atu asesu ba saúde.
Xefe unidade centru matan Timor Leste, Gil Da Costa Pinto considera, defisiente matan, iha rua nolu resin, maibé rekomenda kedas ba mediku sira hodi halo tratamentu no distribui mos oklu ba pasiente.
Tekniku fixu terapia sentru nasional rehabilitasaun, Jeremias Borges argumenta, ekipa sira halos sosializasaun ba emo ho difisiensia fiziku atu asesu ba iha sentru nasional rehabilitasaun.
Dadaun ne’e, Timor-Leste rejista ona ema ho defisiénsia, hamutuk rihun tolu nulu, resin ualu, virgula atus ida, sanulo resin ualu.
Husi númeru ne’e, ema ho defisiensia hamutuk rihun 25 mak seidauk asesu ba edukasaun iha Timor-Leste.
(Sergio/Siso)
