Dili – Conselho de imprensa de Timor-Leste hatoo sentidu kondolesnia ba jornalista internasional Jill Jollife nia mate.
Jill Jolliffe, nudar ativista no jornalista, habelun-an profissionalmente ho kauza povo maubere nian, hahuu kedas iha periudu invazaun militar Indonesia iha tinan 1975.
Jornalista Jill Filliefe mak filma, invazor nia tratamentu kruel hasoru povu Timor-Leste iha tmepu okupasaun indonezia no hakerek notisia konaba jornalista internasional nain lima, neebe tropas indonezia oho iha Balibo, Maliana.
Jornalista internasional nee mos, sai belun diak ba lider politiku Timoroan hanesan, Xavier Do Amaral, Nicolau Lobato, Borja Da Costa, Roque Rodrigues, Vicente Reis Sahe, no seluk tan.
Prova duni verdade hosi afirmasaun ne’ebe hateten katak kaneta nia meik kro’at liu kilat-musan. Advokasia professional ba povo maubere nia kauza, halo Jill Jolliffe sai inimigo númeru um iha rejime Soeharto.
Jornalista Jill Jolliffe mate iha loron 2 fulan dezembru tinan ida nee, tanba moras komplikasaun.
(Scos)
