Dili – Bis diresaun Díli – Baucau preokupa ho mina folin sae, tanba prejudika rendimentu kada loron.
Motorista bis dirasaun Dili – Baucau, Jose Dos Santos deklara, rendimentu ne’ebe sira hetan kada loron, la to’o ba enxe kombustivel.
Sorin seluk, motorista Sezario Freitas haktuir, rendimentu kada loron menus, kompara ho tinan kotuk.
Diretor geral downstream ANPM Nelson De Jesus deklara, folin mina iha merkadu internasional sa’e makas, provoka aumentu presu kombustivel iha Timor Leste.
Dadaun ne’e, gazolina litru ida, aumenta husi sentavu ualu-nulu resin lima, sa’e ba dolar ida, sentavu rua nulu resin lima.
Antes ne’e, autoridade nasional petroliu minerais halo ona teste kalibrasaun ba volume bomba mina iha Díli laran no komprova katak, iha kondisaun diak.
(Domingos/Siso)
