Dili – Sosiedade sivil konsidera, injustica sosial mosu, bainhira funsionarios sira simu subsidiu remuneratoriu dolar atus rua ba uma kain.
Diretor ezekutivu luta hamutuk Jose Alves Da Costa afirma, tuir loloos subsidiu refere atribui deit ba povu kbiit laek no vulneravel sira, tanba sira laiha rendimentu fiksu kada fulan.
Nia akresenta, sé atribui mos ba funsionariu publiku no privadu sira ne’ebe ho salariu dolar 500 ba kraik ne’e hamosu injustisa sosial, tanba iha fim do ano funsionariu sira sei simu tan salariu desimu treseiru.
Iha fatin hanesan, koordenador asia justice and right Inocencio Xavier ezije ba governu atu halo identifikasaun loloos ba dadus benefisiariu, atu garante polítika poupança.
Dekretu lei subsidiu fim do ano ne’e promulgadu husi prezidente republika, José Ramos Horta.
Enkuantu, banku nasional komersiu timor leste mos fo sai ba publiku katak, sei koopera ho autoridade suku hodi atribui ba kada familia iha sede suku sira iha teritoriu nasional.
(Bitu/Siso)
