Dili – PNTL ho ministeriu transporte, bandu kareta kontentor movimentu, iha oras servisu.
Komandante tranzitu munisipiu Dili, inspetor Domingos Sarmento Gama hateten, despaixu konjunta anterior la efetivu tamba kareta kontentor kontinua viola regras no hamosu engarafamentu.
Maib’e, ministeriu interior ho ministeriu transporte komunikasaun revoga ona despaisu anterior, hodi hamosu despaisu konjunta foun hodi autoriza kareta kontentor sira halao sirkulasaun iha deit oras tuku hitu kalan to’o tuku hitu dader.
Tuir nia, bainhira infratores sira viola regras, polisia sei aplika sansaun multa, minímu dolar 75 no maxímu dolar rihun tolu, tanba kontra artigu 10 no artigu 57, lei kodigu estrada.
Inspetor Domingos Sarmento Gama, husu ba kompainia sira ne’ebe iha kontentor atu kumpri ba despaixsu konjunta refere hodi reduz numeru engarafamentu.
Despaisu konjunta ne’e sei tama ba implementasaun iha loron segunda feira semana oin.
Despaisu konjunta refere tama ona iha vigor iha fulan setembru tinan ne’e, maibe parte relevante seidauk halo atuasaun tamba sei halo sosializasaun uluk ba kompainia nain sira hafoin implementa.
(Juvenal/Siso)
