Dili – Ministeriu obras publika preve millaun lima pontu ida, iha orsamentu jeral estadu tinan 2023, hodi konstrui moru protesaun mota comoro to’o kasnafar.
Ministru obras publika, Abel Pires informa, intensaun konstrui moru protesaun ne’e oinsa bele proteje estrada, atu nune’e kontinua mantein movimentasaun transporte.
Governante ne’e subliña, iha semana ne’e nia laran sei asina akordu ho kompañia, hodi konstrui moru protesaun refere.
Enquanto, moru protesaun no estrada husi area suku Manleuana, kasnafar to’o ba area Aileu no iha teritorio laran tomak, hetan estragus husi kalamidade publiku, iha loron hat fulan abril, tinan 2020.
Alem de ne’e, ministeriu obras publika mos sei, aloka orsamento ba programa estrada no ponte, dezenvolvimentu rural no urbanu, boa governasaun no jestaun institusional, agua no saneamentu, eletrisidade no igualdade jéneru no inkluzaun sosial.
(Bitu/Alau/Siso)
