Dili – Governu aprova valor másimu ba populasaun afetada husi projetu rekualifikasaun aeroportu internasional prezidente nicolau lobato comoro Dili.
Projetu rezolusaun ne’e, aprezenta husi ministru finansas Rui Gomes, hodi estabelese valór másimu atu selu ba akizisaun beins imóveis ba afeitadu aeroportu Comoro.
Ministru presidencia konselu ministru Fidelis Leite Magalens konfirma, governu tenke hapara atividade sira hanesan pekuária, peskas no foti masin iha área implementasaun projetu rekualifikasaun aeroportu internasionál prezidente Nicolau Lobato hodi hahu konstrusaun.
Konselu ministru aprova mós projetu dekretu lei, ba alterasaun dahuluk dekretu lei númeru 11 barra 2006, kona ba kriasaun institutu jestaun ekipamentu Timor-Leste, no aprovasaun ba ninia estatutu ida-idak.
Ho diploma ne’e, atu estabelese figura diretór ezekutivu, ho kompeténsia ba diresaun no jestaun servisu IJE nian, tuir diretores sira husi ninia konsellu administrasaun, no atribui mós kompeténsia ba prezidente konsellu administrasaun IJE.
(Domingos/Alau)
