Magazine RádiuNotisiasTetum

Lider Xanana Husu Jerasaun Foun Tenki Hatene Identidade Timor


Dili – Lider karismatiku, Kay Rala Xanana Gusmao husu jerasaun foun atu buka hatene identidade kujltura Timor.

Xanana Gusmao hato’o pedido ne’e ba foin sa’e sira, iha lansamentu livru istoria husi rai, no ema Timor-Leste, iha sala leitura Xanana reading room Lecidere Dili.

Lider nasional ne’e observa, joven no intelektual sira iha agora, preokupa liu ho mundo digital hodi lahatudo vontade buka tuir identidade historia no kultura Timor nian.

Maske nune’e Xanana Gusmao, apresia ba hakerek nain husi livru konaba identidade kultura Timor nian, sai hanesan referensia ba jerasaun foun sira atu aprende no buka hatene lalaok historia timor leste nian.

Pesquizador independente josh trindade hateten, pesquizador ba identidade kultural hanesan parte ida bele preserva imagen no kultura Timor nian, hodi produs ba livro tau iha bibleotkeka sira.

Sekretariu estadu ambiente, Deometro Amaral konsidera, identidade kultural nebe produs iha livru historia ne’e, bele kontribui ba memoria kultural ba jerasaun hotu hodi banati tuir.

livru istoria husi rai no ema Timor-Leste, lansa tersa feira nee, husi pesquizadores no hakerek nain mai husi lisa palmer, Susanna Barnes, Kirsty Sword Gusmao, Andrew Mc William, Balthasar Kehi husi Australia no Josh Trindade.

(Jose/Alau)

Show More

Related Articles

Back to top button
error: !