Dili – Primeiru ministru, lansa fatuk dahuluk ba konstrusaun postu UPF no inaugura postu vizilansia, iha mota-ain.
Primeiru ministru no ministru interior Taur Matan Ruak hateten, governu nafatin kopera ho governu Australia, hodi hadi’a kondisaun servisu polísia iha fronteira.
Iha domingo fim de semana, simbolikamente lansa konstrusaun postu UPF neen, sei konstrui iha Mota-Ain, Mota-Masin, Tunu Bibi Bobonaro no Postu Citrana no Oesiluno Sakato, iha Oecusse.
Komandante jerál PNTL, komisariu Faustino Da Costa informa, membru polísia iha fronteira presiza duni fatin dignu hodi asegura seguranca iha fronteira.
Embaixador Australia ba Timor-Leste William Costello deklra nia prontidaun, atu kombate krime organizadu sira iha linha fronteira.
Kompañia lokál Leohara, sei responsabilija konstrusaun ho durasaun fulan neen no orsamento rihun atus tolu sanulu resin lima.
Postu vizilansia ne’e, apoiu husi parseria polisia federal Australia.
(Juvenal/Siso)
