Dili – Vitíma dário josé freitas tinan 36 mate, tanba asidente tránzitu, iha igreja becora oin, iha tersa-feira tuku ualu dadersan.
Komandante tránzitu munisípiu Dili, inspetor Domingos Sarmento Gama konta katak, motorizadas ida husi diresaun bekora atu ba servisu iha EDTL Caicoli mak xoke kareta tanke realistik fuel husi diressaun bekora atu ba kuluhun.
To’o iha igreja bekora oin, vitíma tenta atu halai ses kareta tanke, maibé motorizadas kait kareta hodi rezulta kareta sama rahun vitíma nia ulun.
Hafoin akontese, ambulansia transporta kedas mate isin ba mortuariu óspital nasional guidu valadares Díli hodi hein prosesu funeral.
Dadaun ne’e, polisia eskuadra kristu rei mos asegura ona suspeitu ho evidensia kareta ho motorizadas hodi reforsa investigasaun.
(Juvenal/Siso)
