Dili – Uma kain 27 iha suku usitaku rejiaun Oecusse seidauk asesu eletrisidade.
Durante ukun-an, komunidade uma kain rua nulu resin hitu iha aldeia kuantua, suku Usitaku, sub-rejiaun Nitibe, rejiaun administrativa espesial Oe-cusse Ambenu seidauk asesu ba liña eletrika.
Abitante aldeia Kuantua, Pedro Nanu Coa hateten, durante Timor-Ukun komunidade iha aldeia husu ba parte autoriedade Oecusse atu fasilita linha eletrika maibe seidauk realiza.
Xefe suku usitaku, Hilariu Duarte Babo Rekoñese, aldeia kuantua seidauk asesu ba eletrisidade desde Timor-ukun-an.
Hatan ba preokupasau, prezidente autoriedade rejiaun administrativa espesial Oe-cusse Ambenu, Arsénio Paixão Bano komfirma, autoriedade sei resolve infrastrutura bázika ba aldeia refere.
Uma kain iha aldeia suku usitaku hamutuk neen nulu resin tolu kompostu husi aldeia haat.
(Egidio/Siso)
