Dili – Tribunal distrital Baucau aplika medida koesaun prizaun preventiva ba arguido nain rua, no nain tolu seluk aprezentasaun periodika.
Arguido nain lima hatan iha tribual, iha quarta-feira horiseik relasiona konfrontu ne’ebé akontese, iha aldeia Chay, suku Lore primeiru, postu-administrativu Lore, munisipiu Lautem, hodi hamate vítima Dionizio Brazil.
Defensor publiku, António Fernandes komfirma, tribunal aplika medida koasaun prizaun preventiva ba arguidu nain rua ho inisial JS no NR.
Arguido nain tolu seluk ho inisial SA, RT no MG tribunal aplika medidas koasaun aprezentasaun prioridika no kada semana apresenta an iha eskudra PNTL ne’ebe besik.
Defensor publiku informa, ministeriu publiku akuza arguido ho krime omisidiu simples, ofensa integridade simples no ofensa integridade grave.
Julgamento primeiru interogatoriu ne’e, prezide husi juiza singular Jumiati Maria Freitas, ministeriu publiku representa husi prokurador Ambrosio Freitas Rangel, enkuantu arguido nain lima hetan asistensia legal husi defensor publiku Antonio Fernandes.
(Pedro Almeida/Siso)
